कात्तिक १८, चरिकोट । जिल्लाको पूर्वी जिरी नगरपालिका–१, श्यामाको च्यबुकेका ७४ बर्षीय ज्येष्ठ नागरिकलाई भालुले आक्रमण गरी गम्भिर घाइते बनाएको छ ।
सोमबार बिहान करिब ६ बजे घरनजिक रहेको बारीमा हलोजुबा लिन गएका ७४ बर्षीय पदमबहादुर खड्कालाई एक्कासी जङ्गली भालुले आक्रमण गरी गम्भिर घाइते बनाएको प्रहरी निरीक्षक रेशम बोहराले जानकारी दिए ।
भालुले खड्काको घाँटी, टाउको, मुख र निधार भरी चिथोरी बोल्न समेत नसक्ने गरी गम्भिर घाइते बनाएकोमा उपचारको लागि जिरी अस्पतालमा उपचार हुन नसकेर थप उपचारको लागि काठमाण्डौं रिफर गरिएको प्रहरीले जनाएको छ ।
