रवीन्द्र गौतम । दोलखा
बैशाख २६, दोलखा । भीमेश्वर नगरपालिका वडा नं ६ चोथाङमा पार्किङ गरी राखिएको गाडीमा अज्ञात व्यक्तिद्वारा आगजनी गर्दा गाडी पूर्ण रुपले नष्ट भएको छ ।
मंगलबार बिहान करिब २ बजेको समयमा भीमेश्वर नगरपालिका वडा नं. ६ चोथाङमा पार्किङ गरी राखिएको बा९च १०८० नम्बरको टोयोटा हाइलक्स गाडीमा अज्ञात व्यक्तिद्वारा आगजनी गर्दा गाडी जलेर नष्ट भएको हो ।
प्रहरीको प्रारम्भिक अनुसन्धानअनुसार नष्ट भएको गाडी सिन्धुपाल्चोकको खाडीचौरदेखि चरिकोटसम्म सडक फराकिलो तथा कालोपत्रे गर्ने योजनाको परामर्शदाता इटेको नेपाल प्रालिको रहेको छ । गाडीको इन्जिन रहेको भाग, अगाडीको २ ओटा टायर र चालक बस्ने भाग जलेर नष्ट भएको इटेको नेपाल प्रालिका प्राविधिक मुक्तिनाथ ढकालले जानकारी दिए । घटना बारे थप अनुसन्धान भई रहेको जिल्ला प्रहरी कार्यालय दोलखाले जनाएको छ ।
बैशाख २६, दोलखा । भीमेश्वर नगरपालिका वडा नं ६ चोथाङमा पार्किङ गरी राखिएको गाडीमा अज्ञात व्यक्तिद्वारा आगजनी गर्दा गाडी पूर्ण रुपले नष्ट भएको छ ।
मंगलबार बिहान करिब २ बजेको समयमा भीमेश्वर नगरपालिका वडा नं. ६ चोथाङमा पार्किङ गरी राखिएको बा९च १०८० नम्बरको टोयोटा हाइलक्स गाडीमा अज्ञात व्यक्तिद्वारा आगजनी गर्दा गाडी जलेर नष्ट भएको हो ।
प्रहरीको प्रारम्भिक अनुसन्धानअनुसार नष्ट भएको गाडी सिन्धुपाल्चोकको खाडीचौरदेखि चरिकोटसम्म सडक फराकिलो तथा कालोपत्रे गर्ने योजनाको परामर्शदाता इटेको नेपाल प्रालिको रहेको छ । गाडीको इन्जिन रहेको भाग, अगाडीको २ ओटा टायर र चालक बस्ने भाग जलेर नष्ट भएको इटेको नेपाल प्रालिका प्राविधिक मुक्तिनाथ ढकालले जानकारी दिए । घटना बारे थप अनुसन्धान भई रहेको जिल्ला प्रहरी कार्यालय दोलखाले जनाएको छ ।
