रवीन्द्र गौतम । दोलखा
असोज २१, दोलखा । स्थानीय प्रशासनलाई विना जानकारी सदरमुकाम चरिकोटमा आकस्मिक अवतरण गरिएको हेलिकप्टरलाई स्थानीय प्रशासनले खानतलासी गरेको छ ।
काठमाण्डौंबाट सिमिगाउँको लागि उडेको ९एन एअर डाइनेस्टीको हेलिकप्टर विना सूचना छिमेकी चीनको सिमावर्ती क्षेत्रतर्फ उडेको कारण आशंका लागि प्रमुख जिल्ला अधिकारी पुष्पराज शाहीको निर्देशनमा सदरमुकाम चरिकोटमा अवतरण गराई खानतलासी गरिएको प्रहरीले जनाएको छ । खानतलासीको क्रममा कुनै पनि शंकास्पद बस्तु नभेटिएको समेत प्रहरीले जनाएको छ । एअर डाइनेस्टीको कर्पोरेटबाट लिखित रुपमा चेक रिपब्लिकको नागरिकलाई सिमीगाउँबाट रेस्क्युको लागि उडान भरेको जनाए पनि स्थानीय प्रशासनले अर्को उडानको लागि अनुमति दिएको प्रहरीले जनाएको छ ।
