रवीन्द्र गौतम । दोलखा
साउन १०, दोलखा । नेपाली सेनाको राष्ट्रिय सेवा दलको जुनियर डिभिजन तालिम दोलखामा सुरु भएको छ ।
आइतबार एक कार्यक्रम विच नेपाली सेनाको दोलखास्थित रणभिम गणका प्रमुख सेनानी गणपति मधुसुदन नरसिंह राणाले तालिमको शुभारम्भ गरेका छन् । दोलखाको एकमात्र कालिञ्चोक उच्च माविका माध्यमिक तहका किशोर १८ किशोरी १८ गरी ३६ जनाले तालिममा सहभागिता जनाएको रणभिम गण दोलखाका प्रमुख सेनानी गणपति मधुकर नरसिंह राणाले जानकारी दिए ।
राष्ट्रिय सेवा दलको ४३ व्याचको रुपमा दोलखामा सुरु भएको तालिम संस्थागत ७९ र बार्षिक सामुहिक क्याम्प गरी विदा बाहेक कूल १०० दिन अवधिको हुने सेनाले जनाएको छ । १४ वर्ष उमेर समूह माथिको विद्यार्थीहरुलाई विपद् व्यवस्थापन, खुकुरी, लठ्ठी, पीटी, एरोविक्स, तेक्वान्दो लगायतको तालिम प्रदान गरिने कार्यक्रम छ ।
विद्यालय समयलाई बाधा नपर्ने गरी साउनदेखि कात्तिकसम्म दैनिक करिब २ घण्टाको तालिम दिइने व्यवस्था मिलाइएको सेनाले जनाएको छ । नेपालमा वि.सं. २०२२ सालदेखि सुरु भएको राष्ट्रिय सेवा दलबाट २२ हजार ९ सय ३८ क्याडेटले पासिङ आउट लिइसकेको सेनाले जनाएको छ ।
साउन १०, दोलखा । नेपाली सेनाको राष्ट्रिय सेवा दलको जुनियर डिभिजन तालिम दोलखामा सुरु भएको छ ।
आइतबार एक कार्यक्रम विच नेपाली सेनाको दोलखास्थित रणभिम गणका प्रमुख सेनानी गणपति मधुसुदन नरसिंह राणाले तालिमको शुभारम्भ गरेका छन् । दोलखाको एकमात्र कालिञ्चोक उच्च माविका माध्यमिक तहका किशोर १८ किशोरी १८ गरी ३६ जनाले तालिममा सहभागिता जनाएको रणभिम गण दोलखाका प्रमुख सेनानी गणपति मधुकर नरसिंह राणाले जानकारी दिए ।
राष्ट्रिय सेवा दलको ४३ व्याचको रुपमा दोलखामा सुरु भएको तालिम संस्थागत ७९ र बार्षिक सामुहिक क्याम्प गरी विदा बाहेक कूल १०० दिन अवधिको हुने सेनाले जनाएको छ । १४ वर्ष उमेर समूह माथिको विद्यार्थीहरुलाई विपद् व्यवस्थापन, खुकुरी, लठ्ठी, पीटी, एरोविक्स, तेक्वान्दो लगायतको तालिम प्रदान गरिने कार्यक्रम छ ।
विद्यालय समयलाई बाधा नपर्ने गरी साउनदेखि कात्तिकसम्म दैनिक करिब २ घण्टाको तालिम दिइने व्यवस्था मिलाइएको सेनाले जनाएको छ । नेपालमा वि.सं. २०२२ सालदेखि सुरु भएको राष्ट्रिय सेवा दलबाट २२ हजार ९ सय ३८ क्याडेटले पासिङ आउट लिइसकेको सेनाले जनाएको छ ।
