कात्तिक ७, चरिकोट । गत असोज २४ मा बाथरुमको सावर चोरी गरेको आरोपमा पक्राउ परेका मेलुङ गाउँपालिका–३ का २३ बर्षिय बिशाल भण्डारीलाई साढे २ महिनाको लागि कारागार चलान भएका छन् ।
भण्डारीले भीमेश्वर नगरपालिका–६, सिमपानीस्थित उज्वल बस्नेत समेतको घरको बाथरुममा प्रयोग गरिएको नुहाउने सावर सेट तोडफोड गरी चोरी गरेको दोलखा प्रहरी प्रवक्ता प्रहरी निरीक्षक रेशम बोहराले जानकारी दिए ।
कारागार चलान भएका भण्डारी मेलुङ गाउँपालिका–३, घर भई भीमेश्वर नगरपालिका–६, चोथाङ बसोबास गरिरहेका थिए ।
चोरी शीर्षकमा मुद्दा चलेको भण्डारीलाई दोलखा जिल्ला अदालतले बिहिबार २ महिना १० दिन कैद र दुई हजार जरिवाना हुने फैसला गरेको प्रहरी निरीक्षक बोहराले जानकारी दिए ।
