रवीन्द्र गौतम । दोलखा
जेठ २, दोलखा । स्थानीय तहको निर्वाचन २०७४ को बैशाख ३१ गते सम्पन्न निर्वाचनको दोलखा जिल्लाको विभिन्न स्थानहरुबाट मत परिणाम प्राप्त हुने क्रममा रहेको छ ।
पछिल्लो मत परिणाम अनुसार जिरी नगरपालिकाको वडा नं. १, २, ३, ४ र ५ बाट विजयी हुनेहरुको नामावली प्रकाशन भईसकेको मुख्य निर्वाचन अधिकृतको कार्यालयले जनाएको छ ।
दोलखाका मुख्य निर्वाचन अधिकृत राजेन्द्र नेपालका अनुसार जिरी नगरपालिका वडा नं १ मा नेपाली काँग्रेसका उम्मेदवारहरुको प्यानल नै विजयी भएका छन् । वडा नं. १ को वडाध्यक्षमा लाक्पा शेर्पा, खुला सदस्यहरुमा भक्तबहादुर खड्का, सन फिन्जु शेर्पा, महिला सदस्यमा लालमाया गुभाजु, दलित महिला सदस्यमा लिलामाया विक विजयी हुनुभएको छ । त्यसै गरी जिरी नगरपालिका वडा नं. २ को वडाध्यक्षमा नेकपा माओवादी केन्द्रको तर्फबाट ङिमापाल्दे शेर्पा, खुला सदस्यमा आङङिमा शेर्पा र पूर्णबहादुर खत्री, महिला सदस्यमा शान्ति कार्की र दलित महिला सदस्यमा निर्मला विक विजयी भएको मुख्य निर्वाचन अधिकृतको कार्यालय दोलखाले जनाएको छ । जिरी नगरपालिका वडा नं. ३ मा एमालेको प्यानल नै विजयी भएका छन् जसमा अध्यक्षमा नुर्बु शेर्पा, सदस्यमा मिङमर शेर्पा, युवराज बस्नेत, महिलामा मञ्जु कार्की खड्का, दलित महिला सदस्यमा किष्णमाया दमिनि विजयी भएका छन् । यसै गरी जिरी नगरपालिका वडा नं. ४ मा पनि एमालेका प्यानल नै विजयी भएका छन् जसमा अध्यक्षमा पदेमान जिरेल, सदस्यमा कृष्णबहादुर कार्की, शिवबहादुर कार्की, महिला सदस्यमा रश्मिला राई जिरेल रहेका छन् । त्यसै गरी जिरी नगरपालिका वडा नं. ५ को अध्यक्षमा माओवादी केन्द्रबाट अध्यक्ष ङिमा साङ्गे शेर्पा र अन्य सदस्यमा एमालेको तर्फबाट नरबहादुर जिरेल, रामबहादुर जिरेल, महिला सदस्यमा चिनिमाया जिरेल शेर्पा र दलित महिला सदस्यमा देवकी विक विजयी भएका छन् । यसै गरी जिरी नगरपालिका वडा नं. ६ मा पनि एमालेका प्यानल नै विजयी भएका छन् जसको अध्यक्षमा गोपाल कार्की, सदस्यमा प्रकाश जिरेल, लिलाबहादुर जिरेल, महिला सदस्यमा मनमाया र दलित महिला सदस्यमा तारादेवी विश्वकर्मा रहेका छन् ।
भीमेश्वर नगरपालिका वडा नं. १ मा एमालेका प्यानल नै विजयी भएका छन् जसको अध्यक्षमा विरबहादुर थामी, सदस्यमा तिलकबहादुर थामी, मुरारिराज शिवाकोटी, महिला सदस्यमा गौरी थामी, दलित महिला सदस्यमा कल्पना खाती विजयी भएका छन् ।
कालिञ्चोक गाउँपालिका वडा नं. १ मा नेपाली काँग्रेसको प्यानल नै विजयी भएका छन् जसको अध्यक्षमा बाबुलाल थामी, सदस्यमा अकलबहादुर तामाङ, डम्बरबहादुर तामाङ, महिला सदस्यमा करुणा थामी, दलित महिला सदस्यमा फुलमाया विक विजयी भएका छन् ।
विगु गाउँपालिका वडा नं. १ र २ मा माओवादी केन्द्रको प्यानल नै विजयी भएका छन् जसमा वडा नं. १ को अध्यक्षमा हिरन्डेबहादुर गुरुङ, सदस्यमा जितविर तामाङ, रामबहादुर तामाङ, महिला सदस्यमा माया तामाङ, दलित महिला सदस्यमा बाटुली कामी विजयी भएका छन् भने वडा नं. २ को वडाध्यक्षमा कृष्ण ठकुरी, सदस्यमा डिलबहादुर तामाङ, मुक्तिराम तामाङ, महिला सदस्यमा लुङमाया तामाङ र दलित महिला सदस्यमा, टलमाया कामी विजयी भएका छन् ।
त्यसै गरी गौरीशंक गाउँपालिका वडा नं. १ मा एमालेका प्यानल नै विजयी भएका छन जसको वडाध्यक्षमा झलक कुमार कार्की, सदस्यमा गोरे तामाङ, पूर्णबहादुर जिरेल, महिला सदस्यमा पेमा जिरेल, दलित महिला सदस्यमा लिलामाया सार्की विजयी भएको मुख्य निर्वाचन अधिकृतको कार्यालय दोलखाले जनाएको छ ।
त्यसैगरी वैत्यश्वर गाउँपालिका वडा नं. ८ पनि नेपाली काँग्रेस र माओवादी केन्द्रका संयुक्त उम्मेदवारहरु विजयी भएको कार्यालयले जनाएको छ । जसमा माओवादी केन्द्रको तर्फबाट वडाध्यक्षमा रमेश कुमार अधिकारी, नेपाली काँग्रेसको तर्फबाट खुला सदस्यमा डिल्लीराज श्रेष्ठ, देवराज खत्री, महिला सदस्यमा माओवादी केन्द्रको तर्फबाट लाटीकान्छी बस्नेत र दलित महिला सदस्यमा नेपाली काँग्रेसकी रुद्रमाया दाश विजयी हुनुभएको मुख्य निर्वाचन अधिकृतको कार्यालय दोलखाले जनाएको छ ।
त्यसै गरी जिरी नगरपालिकाको प्रमुखमा एमालेको तर्फबाट टंक जिरेल अग्रस्थानमा रहेका बुझिएको छ । त्यसैगरी वैत्यश्वर गाउँपालिकाको अध्यक्षमा एमालेका ऋषिकेस उप्रेती अग्रस्थान हुनुहुन्छ भने तामाकोशी गाउँपालिकाको अध्यक्ष नेपाली काँग्रेसका भवेन्द्र कार्की अग्रस्थानमा हुनुहुन्छ । त्यसै गरी शैलुङ गाउँपालिकाको मतगणना मंगलबार विहान ८ बजेबाट सुरु गरिए पनि कुनै पनि परिणाम सार्वजनिक गरिएको छैन । कालिञ्चोक गाउँपालिकामा संयुक्त प्यानलले अग्रता लिएको जानकारी प्राप्त भएको छ भने विगु गाउँपालिकामा पनि मतगणना जारी रहेको बताइएको छ ।
