रवीन्द्र गौतम । दोलखा
जेठ ८, दोलखा । दोलखाको मेलुङ गाउँपालिकामा मतपेटिका राखिएको कोठाको ढोका खुल्ला भेटिएपछि उठेको विवादको कारण रोकिएको मतगणना ९ गतेबाट हुने भएको छ ।
सोमबार दिनभर सोही विषयमा व्यापक छलफल पछि अनुभवी टोली मगाएर एकसाथ २–३ टोलीले मतगणना गर्ने सहमति पछि ९ गते मंगलबार बिहान ७ बजेबाट मतगणना गरिने भएको हो । ७ ओटा वडा रहेको मेलुङ गाउँपालिकाको १८ ओटा मतपेटिका मंगलबार बिहानबाट गणना गरिने सहमति भएको मेलुङ गाउँपालिकाका निर्वाचन अधिकृत दुर्गाप्रसाद भुर्तेलले जानकारी दिनुभयो ।
मेलुङ गाउँपालिका अन्र्तगत साविकको भेड्पु गाविसको कार्यलयमा संकलन गरि राखिएको मतपेटिका रहेको कोठाको ढोका खुल्ला भेटिएपछि समस्या भएको हो । कोठाको मुख्य ढोकामा शिलवन्दी गरिएपनि निर्वाचन अधिकृतको कोठाबाट मतपेटिका राखिएको कोठामा जाने भित्री ढोका रहेको र सो ढोका खुल्ला अवस्थामा भेटिएपछि विवाद भएको हो । कंग्रेस र माओवादी केन्द्रले मतपेटिका राखिएको कोठाको ढोका खुल्ला रहनु शंकास्पद भएको भन्दै मतगणना अघि बढाउन मानेका छैनन् । सोही कारण गएरातिबाटै सुरु हुने भनिएको मेलुङ गाउँपालिकाको मतगणना कार्य अझै अघि बढ्न सकेको छैन । कंग्रेस माओवादी संयुक्त प्यानलबाट अध्यक्ष पदमा उम्मेदवार बनेका वर्मा लामाले मतपेटिका रहेको कोठाको ढोका खुल्ला रहनु शंकास्पद रहेको र सो विषयमा छानविन भएपछि मात्रै मतगणना अघि बढ्ने जानकारी दिनुभयो ।
मतगणना अघि बढाउने विषयमा विवाद भएपछि मुख्य निर्वाचन अधिकृत एवम जिल्ला न्यायधिश राजेन्द्र नेपाल र प्रमुख जिल्ला अधिकारी यज्ञराज बोहरा सहितको टोली मेलुङ तर्फ प्रस्थान गरेको छ । बैशाख ३१ गते प्रहरीले चलाएको गोली लागेर पवटीमा एक जनाको मृत्यु भई मतदान स्थगित भएपछि मेलुङ गाउँपालिकाको मतगणना हुन सकेको थिएन । हिजो पवटी मतदान केन्द्रको पुनः मतदान सम्पन्न भएपनि मतगणना अघि बढाउन नयाँ समस्या पैदा भएको हो ।
जेठ ८, दोलखा । दोलखाको मेलुङ गाउँपालिकामा मतपेटिका राखिएको कोठाको ढोका खुल्ला भेटिएपछि उठेको विवादको कारण रोकिएको मतगणना ९ गतेबाट हुने भएको छ ।
सोमबार दिनभर सोही विषयमा व्यापक छलफल पछि अनुभवी टोली मगाएर एकसाथ २–३ टोलीले मतगणना गर्ने सहमति पछि ९ गते मंगलबार बिहान ७ बजेबाट मतगणना गरिने भएको हो । ७ ओटा वडा रहेको मेलुङ गाउँपालिकाको १८ ओटा मतपेटिका मंगलबार बिहानबाट गणना गरिने सहमति भएको मेलुङ गाउँपालिकाका निर्वाचन अधिकृत दुर्गाप्रसाद भुर्तेलले जानकारी दिनुभयो ।
मेलुङ गाउँपालिका अन्र्तगत साविकको भेड्पु गाविसको कार्यलयमा संकलन गरि राखिएको मतपेटिका रहेको कोठाको ढोका खुल्ला भेटिएपछि समस्या भएको हो । कोठाको मुख्य ढोकामा शिलवन्दी गरिएपनि निर्वाचन अधिकृतको कोठाबाट मतपेटिका राखिएको कोठामा जाने भित्री ढोका रहेको र सो ढोका खुल्ला अवस्थामा भेटिएपछि विवाद भएको हो । कंग्रेस र माओवादी केन्द्रले मतपेटिका राखिएको कोठाको ढोका खुल्ला रहनु शंकास्पद भएको भन्दै मतगणना अघि बढाउन मानेका छैनन् । सोही कारण गएरातिबाटै सुरु हुने भनिएको मेलुङ गाउँपालिकाको मतगणना कार्य अझै अघि बढ्न सकेको छैन । कंग्रेस माओवादी संयुक्त प्यानलबाट अध्यक्ष पदमा उम्मेदवार बनेका वर्मा लामाले मतपेटिका रहेको कोठाको ढोका खुल्ला रहनु शंकास्पद रहेको र सो विषयमा छानविन भएपछि मात्रै मतगणना अघि बढ्ने जानकारी दिनुभयो ।
मतगणना अघि बढाउने विषयमा विवाद भएपछि मुख्य निर्वाचन अधिकृत एवम जिल्ला न्यायधिश राजेन्द्र नेपाल र प्रमुख जिल्ला अधिकारी यज्ञराज बोहरा सहितको टोली मेलुङ तर्फ प्रस्थान गरेको छ । बैशाख ३१ गते प्रहरीले चलाएको गोली लागेर पवटीमा एक जनाको मृत्यु भई मतदान स्थगित भएपछि मेलुङ गाउँपालिकाको मतगणना हुन सकेको थिएन । हिजो पवटी मतदान केन्द्रको पुनः मतदान सम्पन्न भएपनि मतगणना अघि बढाउन नयाँ समस्या पैदा भएको हो ।
