 |
| Add caption |
काँग्रेस ६, एमाले ८, माओवादी ८ ओटा वडाध्यक्षमा विजयी
रवीन्द्र गौतम । दोलखा
जेठ ३, दोलखा ।जिरी नगरपालिकाको प्रमुखमा एमालेबाट टंक जिरेल विजयी हुनुभएको छ भने उपप्रमुखमा कृष्णकुमारी बुढाथोकी विजयी हुनुभएको मुख्य निर्वाचन अधिकृतको कार्यालय दोलखाले जनाएको छ ।
प्रमुखमा जिरेलले माओवादी केन्द्रका निकतम प्रतिद्वन्दी गेल्बु शेर्पाभन्दा ११०६ मतले पछि पारेर विजयी हुन सफल हुनुभएको हो । जिरेलले ३२१२ मत प्राप्त गर्नुभएको थियो भने गेल्बु शेर्पाले २१०६ मत प्राप्त गर्नुभएको थियो भने नेपाली काँग्रेसका उम्मेदवार सोनाम शेर्पाले १४०२ मत मात्र प्राप्त गरेका थिए ।
उपप्रमुखमा बुढाथोकीले माओवादी केन्द्रकी चित्रमाया दाहालभन्दा १३२७ मतले पछि पारेर विजयी हुन सफल हुनुभएको हो । बुढाथाकीले ३२६८ मत प्राप्त गर्नुभएको थियो भने चित्रमाया दाहालले १९४१ मत प्राप्त गर्नुभएको थियो भने नेपाली काँग्रेसकी लिलादेवी जिरेलले १३१२ मत प्राप्त गर्नुभएको दोलखाका मुख्य निर्वाच अधिकृत राजेन्द्र नेपालले जानकारी दिनुभयो ।
दोलखाका बिभिन्न गाउाँपलिका र नगरका वडाहरुमा नेपाली कांग्रेसले ६ स्थानमा वडा अध्यक्षहरु बिजय प्राप्त गरेको छ भने एमालेबाट ८ स्थान र माओबादीबाट पनि ८ स्थानको वडाध्यक्ष बिजयी भएको मुख्य निर्बाचन अधिकृतको कार्यालय दोलखाले जनाएको छ ।
भीमेश्वर नगरपालिका वडा नं. २ मा नेपाली काँग्रेसबाट विराजमन श्रेष्ठले विजय प्राप्त गरेका छन् । नेपाली कांग्रेसले तामाकोशी गाउँपालिका वडा नम्बर २ मा वडा अध्यक्ष सहित प्यानल नै बिजयी भएको छ । वडा अध्यक्षमा हर्कबहादुर योञ्जन बिजयी भएका छन् । बिजयी हर्कबहादुरको ६२४ मत प्राप्त भएको छ । भने एमाले उम्मेद्धार नरबहादुर कार्कीको ५२० मत प्राप्त भएको छ । योञ्जन सहित महिला सदस्यमा सरस्वति कार्की, दलित महिला सदस्यमा तारा बिक, खुल्ला सदस्यमा ओमबहादुर केसी र नानीकाजी तमाङ बिजयी भएका छन् ।
त्यस्तै गाउँपालिका प्रमुखमा भबेन्द्र कार्कीको मत ६६३, ईश्वरचन्द्र पोखरेलको४६०,उपप्रमुख रामचन्द्र पोखरेल माओबादीको ५२५ र उपप्रमुख एमालेको ४९४ रहेको छ ।यस अघि नै गनिएको मतबाट नेपाली कांग्रेसका उम्मेद्धार तामाकोशी १ बाट महेश काफ्ले बिजयी भएका छन् । काफ्ले ज्ञानेन्द्र केसीलाई हराएका छन् ।
