रवीन्द्र गौतम । दोलखा
जेठ ४, दोलखा । बुथ कब्जा गर्न आएको भन्दै प्रहरीले हानेको गोली लागेर एकजनाको मृत्यु भए पछि स्थगित भएको मेलुङ गाउँपालिका वडा नं. १, पवटीको निर्वाचन जेठ ७ गते हुने भएको छ ।
निर्वाचन आयोग, स्थानीय प्रशासन, जिल्ला निर्वाचन कार्यालय, मुख्य निर्वाचन अधिकृतको कार्यालय, उम्मेदवार लगायतसँगको समन्वयमा निर्वाचन अधिकृतको कार्यालय मेलुङले जेठ ७ गते पुन निर्वाचन गराउने भएको हो ।
मेलुङ गाउँपालिका वडा नं. १, पवटी अन्र्तगत सत्यश्वर मावि मतदान केन्द्र ‘क’, ‘ख’, ‘ग’ र ‘घ’ मा जेठ ७ गते आइतबारको दिन विहान ७ बजेदेखि बेलुका ५ बजेसम्म पुन निर्वाचन गराउने निर्णय भएको मेलुङ गाउँपालिकाका निर्वाचन अधिकृत दुर्गाप्रसाद भुर्तेलले जानकारी दिनुभयो । सत्यश्वर मावि पवटीको ‘क’, ‘ख’, ‘ग’ र ‘घ’ मतदान केन्द्रमा ३ हजार ५ सय ८६ मतदाताहरु रहेको जिल्ला निर्वाचन कार्यालय दोलखाले जनाएको छ ।
