रवीन्द्र गौतम । दोलखा
भदौ ७, दोलखा । मिलिजुली बचत तथा ऋण सहकारी संस्था लिमिटेडले आफ्नो २४ औं स्थापना दिवसको अवसरमा विभिन्न ५ प्रशिद्ध मन्दिरमा डस्टविन वितरण गरेको छ ।
भदौ ७ अर्थात मंगलबार मिलिजुली बचत तथा ऋण सहकारी संस्था लिमिटेडले दोलखा जिल्लाको प्रशिद्ध धार्मिकस्थल कालिञ्चोक भगवती मन्दिर, भीमेश्वर मन्दिर, कोटीहोम यज्ञशाला, पशुपति मन्दिर र महाङ्काल मन्दिरमा २–२ ओटाको दरले १० ओटा डष्टविन वितरण गरेको हो । डष्टविन वितरणको लागि ५ मन्दिरमा छुट्टाछुट्टै कार्यदल निर्माण गरी वितरण गरिएको मिलिजुली बचत तथा ऋण सहकारी संस्था लिमिटेडका अध्यक्ष नारायणबहादुर श्रेष्ठले जानकारी दिए ।
साथै स्थापनाकालका संस्थापक सदस्यहरु, वर्तमान सञ्चालक, जिल्ला सहकारी संघ, जिल्ला वचत तथा ऋण सहकारी संघ तथा सञ्चारकर्मीहरुसँग संस्थाको आगामी कार्यदिशा र रणनीतिक योजना बारे अन्तरक्रिया कार्यक्रम समेत आयोजना गरिएको अध्यक्ष श्रेष्ठले जानकारी दिए ।
