दोलखाको लामाबगरमा पहिरो जाँदा एकै घरको २ को मृत्यु ४ बेपत्ता, मृतकको संख्या ३ पुग्यो

रवीन्द्र गौतम । दोलखा

भदौ १६, लामाबगर, दोलखा । उत्तरी दोलखाको लामाबगर गाविस वडा नम्बर ४ छ्योत्छ्योत् भन्ने स्थानमा पहिरोले २  घर बगाँउदा एकै घरको २ को मृत्यु भएको छ भने ४ अझै बेपत्ता रहेका छन । पहिरो परी मृत्यु हुनेको संख्या ३ पुगेको जिल्ला प्रहरी कार्यालय दोलखाका निरिक्षक ललनकुमार कुर्मीले जानकारी दिए ।
मृत्यु हुनेमा लामाबगर–४, छ्योत्छ्योत्का २१ बर्षिय बडुले तमाङ र उनको आमा बर्ष ४० कि पातमायाँ तमाङ रहेका छन् भने घाइते मिनबहादुर ठकुरीको घरमा पसल सञ्चालन गरिरहेकी गौरीशंकर–४, सिमीगाउँका चुडुसाङ्बो तमाङको श्रीमती पेममायाँ तमाङ रहेको प्रहरी निरिक्षक कुर्मीले जानकारी दिए । वेपत्ता हुनेहरुमा बडुले तमाङको पिता बर्ष ४५ का मंगले तमाङ, दिदी  वर्ष २५ कि त्रिसी तमाङ, २ बर्षिय भाई क्षसाङ तमाङ र हजुरआमा वर्ष ७० कि सतमाई तमाङ रहेको प्रहरीले जनाएको छ ।
घाइते भएका मिनबहादुर तमाङको अवस्था सामान्य रहेको छ भने माथिल्लो तामाकोशी जलविद्युत आयोजनाको सिभिल तर्फको ठेकेदार कम्पनी सिनो हाइड्रोमा कार्यरत चिनियाँ नागरिक बर्ष ३६ का बाइजुलियाङलाई भने हेलिकप्टरमार्फत थप उपचारको लागि काठमाण्डौं लगिएको प्रहरीले जनाएको छ । गए राति अबिरल परेको बर्षाका कारण करिब ११ बजे पहिरो घाइते मिनबहादुर तमाङले जानकारी दिए ।
घटनास्थलतर्फ प्रहरी चौकी रोल्वालिङ, सिमा प्रहरी चौकी लामावगर, गोंगरमा रहेको नेपाली सेना, शसस्त्र प्रहरी टोली, ईलाका प्रहरी कार्यालय सिंगटी र सहायक प्रमुख जिल्ला अधिकारी प्रहरी नायव उपरिक्षक रविन कार्की लगायतको टोल ी थप मद्दत सहित राहत सामाग्री (त्रीपाल, टेण्ट लगायतका सामाग्रीहरू) समेत लिई घटनास्थल तर्फ पुगेको प्रहरीले जनाएको छ ।

अरनिको यातायातमा चुनावी सरगर्मी बढ्दै, दोलखाली राजकुमार बस्नेत सचिवमा प्रतिष्पर्धा गर्दै

रवीन्द्र गौतम । दोलखा

भदौ १३, दोलखा । दोलखा, सिन्धुपाल्चोक, रामेछाप र ओखलढुङ्गा लगायतको पूर्वी पहाडि जिल्लाहरुमा यातायात सेवा सञ्चालन गरिरहेको अरनिको यातायात सेवा समितिको ४५ औं साधारणसभालाई चुनावी सरगर्मीले छपक्कै छोपेको छ । आगामी भदौ १५ गतेबाट काभ्रेपलाञ्चोक जिल्लाको सदमुकाम बनेपामा हुने अरनिको यातायात सेवा समितिको चुनावी मैदानमा पूर्व अध्यक्ष केदार क्षेत्रीले समेत उम्मेदवारी दर्ता गराए पछि चुनावी पारो तातेर उच्च विन्दुमा पुगेको हो ।

     समितिमा आवद्ध ५ सय ३१ व्यवसायीहरुबाट करिब ६ सय ५० मतदाता रहेको चुनावी कार्यक्रममा उम्मेदवारी दर्ताको संख्या र तिव्र प्रतिष्पर्धाले चुनावी रन्कोलाई झन रौनकतामा बदलिदिएको सम्वद्ध व्यवसायीहरु बताउँछन् । पूर्व अध्यक्ष केदार क्षेत्रीसँग प्रत्यासी श्याम लामा भिड्दै छन् भने वरिष्ठ उपाध्यक्ष ३ पदका लागि नृपध्वज महत, चित्र कुँवर, केशव भारती लगायतले तिव्र प्रतिष्पर्धात्मक उम्मेदवारी दर्ता गराएका छन् । हरि सुवेदीसँग यस अघि २ कार्यकाल कोषाध्यक्ष रहेका दोलखाका छोरा राजकुमार बस्नेतले सचिवमा प्रतिष्पर्धा गरिरहेको रेडियो भीमेश्वरलाई बताउनु भयो ।

           समितिको सहकोषाध्यक्ष पदमा राम भारती सर्वसम्मत भए पनि कोषाध्यक्ष पदमा मोहन घिमिरे र हरिभक्त श्रेष्ठ विच तिव्र प्रतिष्पर्धा हुने व्यवसायीहरुको आँकलन रहेको छ । सहसचिव १ पदको लागि ३ जना, उपसहसचिव १ पदको लागि २ जना र ६ सदस्यको लागि १७ जनाले उम्मेदवारी दर्ता गराएको निर्वाचन समितिले जनाएको छ । अरनिको यातायात सेवा समितिको निर्वाचनलाई दोलखा लगायत अन्य जिल्लाका समितिहरुले पनि नजिकबाट मूल्याङ्कन गरिरहेको बताइएको छ ।

विद्युत प्रशारण लाईनको कारण दोलखामा गम्भिर दुर्घटना हुन सक्ने

रवीन्द्र गौतम । दोलखा

भदौ १२, दोलखा । नेपाल विद्युत् प्राधिकरण दोलखा शाखाले विस्तार गरेको विद्युत् प्रसारण लाइनको कारण दोलखामा गम्भिर दुर्घटना हुन सक्ने औंल्याइएको छ ।

  प्राधिकरणले सार्वजनिक गरेको आर्थिक वर्ष २०७२÷०७३ को प्रतिवेदनअनुसार कुनै पनि दिन, कुनै पनि क्षण प्रशारण लाईनको कारण गम्भिर दुर्घटना हुन सक्ने औंल्याइएको हो । प्रतिवेदनअनुसार जिल्लाका विभिन्न स्थानहरुमा गाडिएको ४ हजार काठको पोलहरु जिर्ण अवस्थामा रहेको र फेरबदलको लागि कुनै पहल नहुँदा प्राधिकरण दोलखा शााखाले गम्भिर दुर्घटना हुन सक्ने औंल्याइएको हो ।

जिल्लामा ३३ केभी प्रशारण लाइन लामो रहेकोले नियमित विद्युत् आपूर्तीमा समस्या भईरहने, सिंगटी सबस्टेशन चालु हुन नसक्दा ११ केभी प्रशारण लाईन समेत अवरुद्ध हुने गरेको समेत प्राधिकरण दोलखाका लेखा प्रमुख टेकबहादुर श्रेष्ठले जानकारी दिए । जिल्लामा ३३ केभी लाइन १ सय ३१ किलोमिटर, ११ केभी लाइन ३ सय ८३ किलोमिटर र ४००÷२३० भोल्ट लाइन ०५२ किलोमिटर रहेको प्राधिकरण दोलखाको तथ्याङ्कमा उल्लेख गरिएको छ ।

जिल्लामा १० आंशिक र ११ पूर्ण रुपले विद्युतिकरण हुन बाँकी गाविस रहेको र २७ गाविस र २ नगरपालिकामा भने राष्ट्रिय प्रशारण लाइनमार्फत विद्युतिकरण भएको छ भने समुदायस्तरबाट ४ गाविसमा विद्युतिकरण भएको र ति स्थानहरुमा समेत पोलहरु जिर्ण भए पछि कुनै पनि बेला दुर्घटना हुन सक्ने औंल्याइएको हो ।

दोलखाको घरेलु तथा साना उद्योगको प्रारम्भिक लगानी रु. ३२ करोड

रवीन्द्र गौतम । दोलखा

भदौ १२, दोलखा । जिल्लाको घरेलु तथा साना उद्योगको प्रारम्भिक लगानी रु. ३२ करोड पुगेको छ । आर्थिक वर्ष  २०७२÷०७३ मा ति घरेलु तथा साना उद्योगहरुबाट कूल रु. २८ लाख ३ हजार १ सय ९३ राजश्व समेत संकलन भएको छ ।

    घरेलु तथा साना उद्योग विकास समिति दोलखाले सार्वजनिक गरेको आर्थिक वर्ष ०७२÷०७३ को प्रगति प्रतिवेदनअनुसार प्रारम्भिक लगानी रु. ३२ करोड पुगेको हो । घरेलु तथा साना उद्योग विकास समिति दोलखा जिल्लामा दर्ता भएको कूल ४ सय ७५ घरेलु तथा साना उद्योगहरुमा कूल रु. ३२ करोड ६ लाख २८ हजार प्रारम्भिक लगानी रहेको पाइएको हो । समितिमा उद्योगको रुपमा दर्ता भएको २ सय ३४ फर्महरुबाट कूल रु. १६ लाख ८२ हजार १८ र व्यापारको रुपमा दर्ता भएको २ सय ४्र१ फर्महरुबाट रु. ११ लाख २१ हजार १ सय ७५ गरी कूल रु. २८ लाख ३ हजार १ सय ९३ राजश्व संकलन भएको कार्यालयको तथ्याङ्कमा उल्लेख छ ।

    जिल्लामा दर्तामा

काम गरेको पैसा माग्दा जुँगु स्वास्थ्य चौकीका इन्चार्जले कुटे आफ्नै सहकर्मी

रवीन्द्र गौतम । दोलखा

भदौ ९, दोलखा । मेडिकलमा काम गरेको पारिश्रमिक माग्दा दोलखाको जुँगुमा एक स्वस्थ्यकर्मीले आफ्नै सहकर्मीबाट मरणासम्म हुने गरी कुटाई खाएको खुल्न आएको छ ।

  गत ५ गते जुँगु गाविसको स्थानीय स्वास्थ्यकर्मी राजन खड्काले जुँगु स्वास्थ्य चौकीका सहकर्मी दिलिप यादवलाई मरणसम्म हुने गरी कुटपिट गरेको भन्दै मैनापोखरी प्रहरी चौकीमा २ उजुरी परेको खुल्न आएको हो । मैनापोखरी प्रहरी चौकीका इन्चार्ज सब इन्पेक्टर प्रमोद शाहले राजन खड्काविरुद्ध पीडित दिलिप यादव र उनको डेरा भएको घरधनीले छुट्टछुट्टै २ उजुरी दर्ता भएको जनाएका छन् । जुँगुका अहेव राजन खड्का, टहल केसी सहित अन्य ५ जना विरुद्ध उजुरी परेको जनाइएको छ ।

   यता जिल्ला स्वास्थ्य कार्यालय चरिकोट, दोलखाका कार्यालय प्रमुख राजेन्द्र शाहले कुटपिट भएको पुष्टी गरी दुवै पक्षलाई कार्यालयमा हाजिर गराई अनुसन्धान गरि रहेको जनाएको छन् । घाइते यादव घाउजाँच गरी जिल्ला स्वास्थ्य कार्यालयमा हाजिर भएको जनाइको छ । स्रोतका अनुसार अहेब खड्काले आफ्नै घरमा सञ्चालन गरेको मेडिकलमा घाइते यादवले उपचार गरेवापत दैनिक पाउनु पर्ने रु. ५ सयका दरले करिब १४ हजार रुपैयाँको विषयमा विवाद हुँदा कुटपिट भएको हो ।

          स्थानीय सेवाग्राहीहरुको भनाई अनुसार स्वास्थ्यकर्मी यादवले अहेव राजन खड्काको मेडिकलमा काम छोडी स्वास्थ्यचौकीमा नै गुणस्तरिय उपचार सेवा दिन थाले पछि विवाद चर्किएको हो । जुँगुवासीहरुका अनुसार अहेव राजन खड्काले विरामीहरुको उपचारमा चरम लापरवाही गर्ने गरेको र पटक पटक जिल्ला स्वास्थ्य कार्यालयमा सरुवाका लागि आग्रह गर्दा समेत पावरको भरमा टिकिरहेको जनाएका छन् ।

तरुण दल दोलखाको पुरा कार्यसमिति

नेपाल तरुण दल दोलखाको चौथो जिल्ला अधिवेसनबाट निर्वाचित जिल्ला तथा क्षेत्रीय कार्यसमिति

1. अध्यक्ष                                                दावासाङ्गे शेर्पा
2. उपाध्यक्ष                                             गणेशविक्रम शाही, चित्रवहादुर तमाङ र विदुर कार्की
3. सचिव                                                 देवेन्द्र अर्याल र चित्रप्रसाद दाहाल
4. सहसचिव                                           विकास खड्का
5. कोषाध्यक्ष                                          कृष्ण कुमार लामा
6. खुला महाधिवेसन प्रतिनिधि                विराजमान श्रेष्ठ
7. महिला प्रतिनिधि                                भगवती शाही खड्का,
8. महिला महाधिवेसन प्रतिनिधि              रोचना उप्रेती
9. आदिवासी महिला महाधिवेसन प्रतिनिधि     आमना शेर्पा
10. आदिवासी जनजाति महाधिवेसन प्रतिनिधि     गौरब लामा
11. दलित प्रतिनिधि                                            नवराज रिजाल
12. अतिविपन्न तथा पिछडिएको बर्ग                  माधव थामी

क्षेत्र नं. १

1. क्षेत्रीय अध्यक्ष     कामसर्की शेर्पा
2. उपाध्यक्ष             सुन्दर कार्की
3. सचिव                  राजकुमार खड्का
4. कोषाध्यक्ष            विनोद कटुवाल
5. सदस्य                  इन्द्रबहादुर खड्का
6. केन्द्रीय प्रतिनिधि     चन्द्रगणेश काफ्ले

क्षेत्र नं. २

1. क्षेत्रीय अध्यक्ष             ङावा शेर्पा
2. उपाध्यक्ष                   फुर्वा शेर्पा
3. सचिव                       अवतारसिंह लामा
4. कोषाध्यक्ष                 सुकदेव शिवाकोटी
5. सदस्य                      तिलक चौलागाईं
6. केन्द्रीय प्रतिनिधि     तिलक थापा

मिलिजुली साकोसले २४ औं स्थापना दिवसमा ५ प्रशिद्ध मन्दिरमा बाँड्यो डस्टविन

रवीन्द्र गौतम । दोलखा

भदौ ७, दोलखा । मिलिजुली बचत तथा ऋण सहकारी संस्था लिमिटेडले आफ्नो २४ औं स्थापना दिवसको अवसरमा विभिन्न ५ प्रशिद्ध मन्दिरमा डस्टविन वितरण गरेको छ ।

          भदौ ७ अर्थात मंगलबार मिलिजुली बचत तथा ऋण सहकारी संस्था लिमिटेडले दोलखा जिल्लाको प्रशिद्ध धार्मिकस्थल कालिञ्चोक भगवती मन्दिर, भीमेश्वर मन्दिर, कोटीहोम यज्ञशाला, पशुपति मन्दिर र महाङ्काल मन्दिरमा २–२ ओटाको दरले १० ओटा डष्टविन वितरण गरेको हो । डष्टविन वितरणको लागि ५ मन्दिरमा छुट्टाछुट्टै कार्यदल निर्माण गरी वितरण गरिएको मिलिजुली बचत तथा ऋण सहकारी संस्था लिमिटेडका अध्यक्ष नारायणबहादुर श्रेष्ठले जानकारी दिए ।

          साथै स्थापनाकालका संस्थापक सदस्यहरु, वर्तमान सञ्चालक, जिल्ला सहकारी संघ, जिल्ला वचत तथा ऋण सहकारी संघ तथा सञ्चारकर्मीहरुसँग संस्थाको आगामी कार्यदिशा र रणनीतिक योजना बारे अन्तरक्रिया कार्यक्रम समेत आयोजना गरिएको अध्यक्ष श्रेष्ठले जानकारी दिए ।

दोलखाको ३६ कच्ची सडकलाई अस्थायी रुट परमिट सिफारिस

रवीन्द्र गौतम । दोलखा

भदौ ८, दोलखा । जिल्लाको ३६ कच्ची सडकमा सवारी सञ्चालनका लागि अस्थायी रुट परमिट दिन जिल्ला प्रशासन कार्यालय दोलखाले सिफारिस गरेको छ ।

         जिल्ला प्रशासन कार्यालय दोलखाले यातायात व्यवस्था कार्यालय साना÷ठूला सवारी वागमतीमा सोमबार  चलानी नं. ४८८ मार्फत जिल्लाको ३६ ओटा कच्ची सडकलाई अस्थायी रुट परमिट दिन सिफारिस गरेको हो । कच्ची सडकहरुमा सरकारले वस सञ्चालनका लागि इजाजत नदिए पछि दोलखाका दुर्गम क्षेत्रका नागरिकहरुले सास्ती भोग्न बाध्य हुनुपरेको

सिप्रीङखोला जलविद्युत्को सेयरमा अत्यन्त न्यून २५ प्रतिशत मात्र आवेदन, गाविस संख्या र समय थप

रवीन्द्र गौतम । दोलखा

साउन ३२, दोलखा । सिनर्जी पावर डेभलपमेन्ट लिमिटेडले निष्काशन गरेको ७ लाख कित्ता सेयरमा स्थानीयहरुले अत्यन्त न्यून लगानी गरेको पाइएको छ ।

              गत साउन १६ गतेबाट आयोजना प्रभावित ६ गाविसका बासिन्दाहरुको लागि निष्काशन गरिएको ७ लाख कित्ता बराबरको इनिसियल पब्लिक अफरिङ (आइपीओ) सेयरमा अत्यन्त न्यून लगानी गरेको पाइएको हो । आयोजना प्रभावित गाविस मानेर उत्तरी दोलखाको गौरीशंकर, खारे, लामाबगर, ओराङ, बुलुङ र लादुक गाविसबाट संकलन गर्ने गरी प्राथमिक सेयर निष्काशन गरिएको थियो ।

            सिभिल क्यापिटल मार्केट लिमिटेडले निश्कासन गरेको आइपीओ अरनिको डेभलपमेन्ट बैंकको सिंगटी शाखा र लामाबगर गाविसको जगतमा आयोजनाका कर्मचारीले सेयर आवेदन फारम संकलन गरेको बुझिएको छ । निष्काशन खुला गरेको १३ दिनमा ६ गाविसका ५ सय ५४ जनाले मात्र सेयर आवेदन गरेको अरनिको डेभलपमेन्ट बैंक सिंगटी शाखाले जनाएको छ । ६ गाविसका करिब २० हजार जनसंख्यामध्ये ५ सय ५४ जनाले कूल रु. १ करोड ७७ लाख मूल्य बराबरको १ लाख ७७ हजार कित्ता सेयर आवेदन गरेको अरनिको बैंक सिंगटी शाखाका प्रवन्धक मणी न्यापानेले जानकारी दिए । यो कूल माग गरिएको सेयर संख्याको २५ प्रतिशत मात्र हो । अरनिको बैंक सिंगटी शाखाले ४ सय ७४ जनाबाट रु. १ करोड ४० लाख र आयोजनाको कर्मचारीले ८० जनाबाट रु. ३७ लाख संकलन गरेको शाखा प्रवन्धक न्यौपानेले जानकारी दिए ।

              आयोजनाले निष्काशन गरेको बराबरको सेयरमा अत्यन्त न्यून आवेदन परेको भन्दै सिप्रीङखोला सरोकार समितिले आयोजना प्रभावितमा मार्बु, चंखु, सुरी र लामिडाँडा गाविस थप गरि साउन ३० मा समाप्त हुने संकलन मिति भदौ १८ गतेसम्म थप गरेको छ । आयोजनाले गौरीशंकर र खारे गाविसलाई निशुल्क उपलब्ध गराएको २५–२५ लाख बराबरको सेयरको प्रमाणपत्र र नाफा नोक्सानको हिसाव समेत उपलब्ध नगराएको गौरीशंकर र खारे गाविसका सचिव खड्गबहादुर आलेले जानकारी दिए ।

          दोलखाको गौरीशंकर गाविसस्थित सिप्रिङ खोलाबाट उत्पादन भइरहेको १० मेगावाट क्षमताको आयोजनाबाट प्रभावित क्षेत्रका बासिन्दाहरुका लागि रु. ७ करोड मूल्य बराबरको ७ लाख कित्ता प्राथमिक सेयर (आइपीओ) निष्काशन गरेको थियो ।

दोलखामा कामदारको ज्याला ८७ र ढुवानीदर ९१ प्रतिशतले बढ्यो

रवीन्द्र गौतम । दोलखा

साउन ३०, दोलखा । जिल्लाको स्थानीयस्तरमा उपलब्ध हुने श्रमसीपको स्तर, श्रमिकको उमेर र दैनिक काम गर्ने अवधिलाई आधार मानेर कामदारको ज्यालामा ८७ र ढुवानीदरमा ९१ प्रतिशतसम्म वृद्धि गरी लागू गरिएको छ । 

           आर्थिक वर्ष २०७३÷०७४ को प्रयोजनको लागि मूल्य अभिबृद्धि कर बाहेक यसअघि प्रतिदिन ८ घण्टाको ज्याला ६ सय ४० रहेकोमा बृद्धि गरी ७ सय ३५ पुगेको छ भने ट्रकद्वारा ५० किलोमिटरसम्मको प्रतिकेजी ढुवानी दर मूल्य अभिवृद्धि करबाहेक १८ रुपैयाँ १५ पैसा रहेकोमा बृद्धि गरेर रु. २० निर्धारण गरिएको हो ।

     सार्वजनिक खरिद नियमावली, २०६४ को नियम १४८ अनुसार जिल्ला दररेट निर्धारण समितिको साउन ११ गते बसेको बैठकले आव २०७३÷०७४ का लागि विभिन्न सेवाहरुको ज्याला र ढुवानीदरमा सो बराबरको वृद्धि गरेको हो । समितिले कामदारको ज्यालादर, ढुवानी दर, निर्माण सामग्री र ढुवानीको दररेट, सरकारी कार्यालयमा आवश्यक मालसमानको दर र मेशिन तथा उपकरणको भाडा

भीमेश्वर मन्दिरको दक्षिणा चोरी गर्ने २ बालक पक्राउ

पक्राउ परेका बालकहरुसँगबाट बरामद गरिएको नोट ।

रवीन्द्र गौतम । दोलखा

साउन २९, दोलखा । भीमेश्वर मन्दिरमा राखिएको दान पेटिका फोडेर संकलित दान दक्षिणा चोरी गर्ने २ बालक पक्राउ परेका छन् । 

  चोरी भएको नगद सहित २ बालकलाई शुक्रबार पक्राउ गरिएको प्रहरीले जनाएको छ । ति बालकहरुसँग अनुसन्धान गर्दा रातको करिब ८ बजे दानपेटिका फोडी नगद चोरेको खुल्न आएको जिल्ला प्रहरी कार्यालय दोलखाका प्रहरी निरिक्षक विनोद सुनुवारले जानकारी दिए ।

          भीमेश्वर मन्दिर गुठी तथा पुजा व्यवस्थापन समितिका अध्यक्ष जीवन श्रेष्ठका अनुसार शुक्रबार विहान सरसफाई तथा नित्य पूजाको क्रममा दानपेटिका फोडेको अवस्थामा फेला परे पछि चोरी भएको थाहा भएको थियो ।

            पक्राउ परेका बालकहरु करिब १३ वर्षका रहेको खुल्न आएको छ । उनीहरुसँगबाट ५ सयको नोट २ थान,  ५० को नोट २ थान, २० को नोट ६० थान, १० को नोट १ सय २३ थान, ५ को नोट २ सय ९१ थान, २ को नोट २ थान, १ को नोट १ थान, २ को सिक्का २ थान, १ को सिक्का ३ थान र भारतीय रुपिया २० को १ थान गरी कूल ५ हजार ३० रुपैयाँ बरामद गरिएको प्रहरीले जनाएको छ ।

भीमेश्वर मन्दिरमा राखिएको दान पेटिका फोडेर चोरी

रवीन्द्र गौतम । दोलखा

साउन २८, दोलखा । भीमेश्वर मन्दिरमा राखिएको दान पेटिका फोडेर संकलित दान दक्षिणा गए राती चोरी भएको छ ।

           भीमेश्वर मन्दिर गुठी तथा पुजा व्यवस्थापन समितिका अध्यक्ष जीवन श्रेष्ठका अनुसार शुक्रबार विहान सरसफाई तथा नित्य पूजाको क्रममा हेर्दा दानपेटिका फोडिएको अवस्थामा भेटिएको बताएका छन् । खुद्रा बाहेक ठूलो नोटहरु हराएको भेटिएको समितिका अध्यक्ष क्षेष्ठले जानकारी दिए । दान पेटिकाबाट कति रकम चोरी भएको भने एकिन हुन नसकेको व्यवस्थापन समितिले जनाएको छ । दानपेटिका करिब २ महिनादेखि नखोलिएको कारण ठूलो रकम चोरी भएको आनुमान गरिएको छ ।

           दान पेटिकाको पैसा चोरी भएकोमा जिल्ला प्रहरी कार्याल दोलखाका प्रहरी निरिक्षक विनोद सुनुवारले पुष्टी गरेका छन् । भीमेश्वर मन्दिरमा रहेको प्रहरीले रातको १२ बजेसम्म गस्ती गरेको जनाउँदै १२ बजे पछि चोरी भएको हुन सक्ने प्रहरीको अनुमान रहेको छ । खोजी तथा अनुसन्धान कार्य अगाडी बढि सकेको र विस्तृत विवरण आउन बाँकी रहेको प्रहरी निरिक्षक सुनुवारले बताए ।

बर्षौ पछि कालिञ्चोकको जग्गा उपभोग समस्या सुल्झियो

डेढ लाख बर्गफिट जमिन भाडामा, प्रति वर्गफिट ७० पैसा कर  

रवीन्द्र गौतम । दोलखा

साउन २७, दोलखा । करिब ५० वर्षदेखि कालिञ्चोकस्थित कुरी खर्कको जग्गा उपभोग बारे भइरहेको विवाद केही दिन अघि सुल्झिएको छ ।
        कालिञ्चोक माई भगवती मन्दिर गुठी व्यवस्थापन समितिले आयोजना गरेको पटक पटकको छलफल र निर्णयले कालिञ्चोकस्थित कुरी खर्कको भुउपभोग समस्या सुल्झाएको हो । गुठी व्यवस्थापन समिति र कुरी खर्कमा बसोबास र व्यवसाय गरिरहेका ४० ओटा घरका प्रतिनिधिहरुको गत साउन १७ गते बसेको संयुक्त बैठकले समस्या सुल्झाएको हो ।
        गुठी व्यवस्थापन समितिको प्रस्तावमा कुरी खर्कमा बसोबास गरिरहेका ४० घरधुरीका भू–उपभोगकर्ताहरुले प्रति वर्गफिट ७० पैसा मासिक भूउपभोग कर तिर्न सहमत भए पछि ५० औं वर्षदेखि चलेको विवाद सुल्झिएको हो । उपभोगकर्ताहरुले गत असारदेखि लागू हुने गरेर सो भूउपभोग कर बुझाउन सहमत भई सम्झौता समेत भैसकेको गुठी व्यवस्थापन समितिका सदस्य सचिव एवम् दोलखा मालपोत कार्यालयका प्रमुख दिपेन्द्र काफ्लेले जानकारी दिए । नापी कार्यालय दोलखा र केन्द्रीय गुठी व्यवस्थापन समितिका सर्भेक्षकसहितको टोलीले गत जेठ २८ गते बुझाएको प्रतिवेदनअनुसार कुरी खर्कमा ४० धुरीले कूल १ लाख ६० हजार ९ सय २१ बर्गफिट भूउपभोग गरेका छन् ।
                समितिको निर्णयअनुसार ५ हजार वर्गफिटभन्दा बढि भूउपभोग गर्नेलाई भने प्रति वर्गफिट मासिक ८० पैसाको दरले भूउपभोग कर लाग्नेछ । कुरी खर्कमा कूल ४० धुरी रहेकोमा २७ धुरीले सम्झौता गरिसकेको र २२ धुरीले गत असारदेखि साउनसम्मको भूउपभोग कर समेत भुक्तानी गरि सकेको सदस्य सचिव काफ्लेले जानकारी दिए । सदस्य सचिव काफ्लेकाअनुसार भूउपभोग वापत बुधबारसम्म रु. १ लाख १५ हजार ४ सय ९८ कर संकलन भएको छ ।
               कालिञ्चोक माई भगवती मन्दिरको भेटी संकलनको लागि समेत न्युनतम रु. ४ लाख तोकी बढाबढबाट भेटी संकलनको लागि टेण्डर समेत आह्वान भैसकेको सदस्य सचिव काफ्लेले जानकारी दिए । साथै मन्दिरमा नियमित नित्य पूजाको लागि पुजारी माग गरिएकोमा बुधबारसम्म ३ जना ब्राम्हणले आवेदन पेश गरिसकेको सदस्य सचिव काफ्लेले जानकारी दिए ।

प्रतिवन्धित वन्यजन्तुको छाला र अखेटोपहार तस्करी २ जना दोलखामा पक्राउ

रवीन्द्र गौतम । दोलखा

साउन २६, दोलखा । नेपालको प्रचलित कानुनले प्रतिवन्ध गरेको वन्यजन्तुको छाला र अखेटोपहार तस्कर गरेको आरोपमा दोलखा प्रहरीले २ जनालाई रंगेहात पक्राउ गरेको छ ।
              तामाकोशी बजारमा अबैध रुपमा बन्यजन्तुको छाला र ओखेटोपहार खरिद बिक्री तथा ओसारपसार भई रहेको भन्ने विशेष सूचनाको आधारमा प्रहरी प्रधान कार्यालय केन्द्रीय अनुसन्धान ब्युरो र जिल्ला प्रहरी कार्यालय दोलखाको संयुक्त टोलीले मंगलबार बेलुका भीमेश्वर नगरपालिका–६, तामाकोशी बजारबाट २ जनालाई रंगेहात पक्राउ गरेको हो ।

                पक्राउ पर्नेहरुमा शैलुङ्गेश्वर–१, दोलखाका ४१ वर्षिय लालबहादुर विश्वकर्मा र घ्याङसुकाठोकर–४, दोलखाका ४६ बर्षिय रामबहादुर तमाङ रहेको जिल्ला प्रहरी कार्यालय दोलखाका प्रहरी निरिक्षक विनोद सुनुवारले जानकारी दिए । पक्राउ परेका विश्वकर्मा र तमाङले बोकेको झोलाबाट संरक्षित वन्यजन्तु चरिबाघको छाला २ थान, ध्वाँसे चितुवाको छाला १ थान र सालकको खपटा १ दशमलब ५ सय किलोग्राम बरामद भएको प्रहरीले जनाएको छ ।

           
            मंगलबार बेलुका पक्राउ परेका विश्वकर्मा र तमाङलाई थप अनुसन्धान र कारवाहीको लागि जिल्ला वन कार्यालय दोलखामा बुझाइएको प्रहरी निरिक्षक सुनुवारले जानकारी दिए । पक्राउ परेका २ जना, बरामद गरेको बाघ र चितुवाको छाला ३ थान तथा डेढ किलोग्राम सालकको खपटा र सो सम्वन्धि मिसिल प्रहरीले वन कार्यालयलाई बु्झाएको छ ।
           दोलखाका जिल्ला वन अधिकृत विष्णुप्रसाद भण्डारीले प्रहरीबाट मुद्दा बुझिसकिएको बताएका छन् । पक्राउ परेकाहरुलाई राष्ट्रिय निकुञ्ज तथा वन्यजन्तु संरक्षण ऐन २०२९ को दफा २६ को उपदफा १ र २ बमोजिम मुद्दा दायर गरिने तयारी गरेको जिल्ला वन अधिकृत भण्डारीले जानकारी दिए । सो ऐनको उपदफा १ बमोजिम ७ प्रकारको वन्यजन्तुको चोरी शिकारी गरी कारोबार गरेमा ५० हजारदेखि १ लाखसम्म जरिवाना वा ५ देखि १५ वर्षसम्म कैद वा दुवै सजाय हुने व्यवस्था रहेको छ । सो ऐनको उपदफा २ बमोजिम ‘यी संरक्षित बाहेक अन्य वन्यजन्तु भएमा’ ४० हजारदेखि ७५ हजारसम्म वा १ देखि १० वर्ष कैद वा दुवै सजाय हुने ऐनले व्यवस्था गरेको छ । नेपालमा २७ प्रकारका वन्यजन्तुलाई ऐनले संरक्षित वन्यजन्तु भनेर परिभाषित गरेको छ ।

दुबईमा ३५ नेपाली सेक्युरिटी गार्डको विजोग, उद्धारको लागि दुताबाससँग हारगुहार

 २ कोठामा जर्बजस्ती ४० जनालाई कोचियो 

रवीन्द्र गौतम । दोलखा

साउन २६, दोलखा । संयुक्त राज्य अरबको दुबई राज्यमा सेक्युरिटी गार्डको काम गर्दै आइरहेका ३५ नेपालीहरुको विजोग भए पछि उद्धारको लागि पहल गर्न नेपाली बदुतावाससँग गुहार गरिएको छ ।
            दुबईस्थित ३५ नेपालीले आफूहरुले ९ महिनादेखि कम्पनी र मेनपावर विच सम्झौता भएको तबल नपाएको भन्दै उद्धारका लागि संयुक्त राज्य अरबको राजधानी अबुधाबीस्थित नेपाली राजदुतावासमा निवेदन दर्ता गराएका हुन् । उनीहरुले १० महिनादेखि दुबईको लिडर सेक्युरिटी सर्भिसमा काम गरिरहेको संयुक्त राज्य अरबको सारजहाँबाट धनपति पाठकले जानकारी दिएका छन् । १० महिनादेखि सम्झौता गरेको रकम नदिएको र हाल आएर खाना खर्च समेत नदिएको पीडित पाठकले जानकारी दिए ।
              काठमाण्डौको हिमारब ओभरसिज र एनसिएफ नेपाल म्यान पावरमार्फत बैदेशिक रोजगारमा गएका उनीहरुले चरम श्रम शोषण भएको बताएका छन् । बैदेशिक रोजगारमा जाँदा २६ दिनको तलब  १ हजार ७ सय ८१ दिराम दिने भन्ने सम्झौता गरिएको भए पनि सम्झौताअनुसारको तलब नपाएको भन्दै दुतावाससँग गुहार मागिएको पीडित पाठकले जानकारी दिए । ३० दिन दैनिक १२ घण्टाको दरले काम गरे तापनि रोजगारदाता कम्पनीले महिनाको २०० र ३०० तबल पाउने गरेको पीडित पाठकले जानकारी दिए ।
             दुबईको लेबर कोर्टमा उजुरी गर्दा कम्पनीले सम्झौता रद्ध गरी जर्वजस्ती नेपाल फर्काउने धम्की दिएको पीडितहरुले बताएका छन् । रोजगारदाता कम्पनीलाई दुबईको लेबरकोर्टमा मुद्धा दायर गरिएको बारे नेपाली दुतावासका श्रम सहचारी हिरा यादवलाई समेत जानकारी गराएको उनीहरु वताएका छन् ।

लागुपदार्थ चरेस कारोवारी चरिकोटमा रंगेहात पक्राउ

रवीन्द गौतम । दोलखा

साउन २५ दोलखा । लागुपदार्थ चरेस कारोबार गर्ने एक व्यक्तिलाई दोलखा प्रहरीले रंगेहात पक्राउ गरेको छ । विशेष सूचनाको आधारमा सोमबार साँझ ५ बजे भीमेश्वर नगरपालिका–९, मथाने घर भई हाल भीमेश्वर नगरपालिका–१, बसपार्क स्थित इश्वरी श्रेष्ठको घरमा डेरा गरी बस्ने ५२ वर्षिय कुमार बस्नेतलाई लागुपदार्थ चरेस सहित नियन्त्रणमा लिइएको जिल्ला प्रहरी कार्यालय दोलखाले जनाएको छ ।
         बस्नेतको कोठा खान तलासी गर्दा कोठाको ढोकाको चेपमा लुकाई राखेको अवस्थामा ७ सय ७८ ग्राम बराबरको लागुपदार्थ चरेश (४ प्याकेट), प्रयोग गरेको अवस्थाको विभिन्न बैंकको चेकबुक १५ थान र २ थान मोबाईल वरामद गरिएको प्रहरी निरिक्षक विनोद सुनुवारले जानकारी दिए ।
         उनले खैरो रंगको प्लास्टिकको टेप लगाई बेरी बिक्री वितरण गर्ने हिसावले संचय गरि राखेको उक्त ४ प्याकेटमध्ये १ प्याकेट चरेश केहीमात्रामा एक छेउबाट निकालेको अवस्थामा फेला परेको बताइएको छ । बस्नेतलाई आवश्यक अनुसन्धान अगाडी बढाइएको समेत प्रहरीको भनाई रहेको छ ।

दोलखा लामाबगरको १२ घर विस्थापित, ५६ घर उच्च जोखिममा सिप्रीङखोला जलविद्युत्मा रु. १ करोड बराबरको क्षति

रवीन्द्र गौतम । दोलखा

साउन २१, दोलखा । अविरल बर्षाको कारण उत्तरी दोलखाको दुर्गम लामाबगर–९ को माथिल्लो जगतको गाउँमा बाढी पसे पछि १२ घर विस्थापित भएका छन् ।
              लामाबगर–९ को तल्लो जगतमा गोहीब्राको भीरबाट पहिरो सुरु भए पछि तल्लो र माथिल्लो गरी ५६ घर र एक गौरीशंकर उच्च मावि उच्च जोखिममा परेको लामाबगर–९, जगतका स्थानीय यादव आचार्यले

दोलखाको ३ सडकलाई बहुबर्षिय ठेक्का गर्न रु. ५२ करोड

रवीन्द्र गौतम । दोलखा

साउन २०, दोलखा । दोलखा जिल्लामा हालसम्मकै सबैभन्दा बढि ३ ओटा नयाँ सडकलाई बहुबर्षिय ठेक्का सञ्चालन गर्ने गरी रु. ५२ करोड बजेट विनियोजन भएको छ ।
           आर्थिक वर्ष २०७२÷०७३ को अन्त्यतिर भौतिक पूर्वाधार तथा यातायात मन्त्रालयमार्फत बहुवर्षिय ठेक्का लगाउने गरी जिल्लाका ३ नयाँ सडकलाई कूल रु. ५२ करोड विनियोजन भएको हो । यो डिभिजन सडक कार्यालय दोलखको अघिल्लो आवको कूल पूँजीगत बजेटभन्दा रु. १३ करोड मात्र कम हो । भौतिक पूर्वाधार तथा यातायात मन्त्रालयले गत जेठ २५ गते चलानी नं. १८७३ मा बजेट उपशीर्षक नं. ३३७१२३–४ क्षेत्रीय तथा पर्यटकिय महत्वका सडक २ र मन्त्रालयकै गत असार ३१ गते डीपीआर तयारीको लागि एक गरी ३ ओटा सडकलाई सो बराबरको रकम विनियोजन गरेको हो ।
           विस्तृत आयोजना प्रतिवेदन (डीपीआर) तयारी लगायत आयोजना पूर्व तयारी र ठेक्कापूर्वको सम्पूर्ण मापदण्ड पुरा गर्ने शर्तमा घ्याङ–भञ्ज्याङ्ग–कल्लेरी–मालुखोला सडकलाई रु २५ करोड, माली–शैलुङ्ग–चेर्दुङ्गा–सुरी–मस्दिङ्ग सडकको लागि रु. १५ करोड र फिल्म सिटी सडकको लागि रु. १२ करोड

दोलखा स्वास्थ्य कार्यालयद्वारा स्तनपान सप्ताहको बजेट भ्रमण र भतेरमा खर्च

रवीन्द्र गौतम । दोलखा

साउन २०, दोलखा । जिल्ला स्वास्थ्य कार्यालय दोलखाले विश्व स्तनपान सप्ताहको लागि बजेट छैन भन्दै लाखौं खर्च गर्दै आइरहेको तथ्य खुल्न आएको छ ।
    विश्व स्तनपान सप्ताहको लागि सरकारी बजेट शून्य रहेको भनिए पनि जिल्लाका विभिन्न स्थानहरुमा तामझामका साथ स्तनपान सप्ताह मनाइरहेको तथ्य खुल्न आइरहेको हो । जिल्लामा नवजात शिशु र सुत्केरी आमाको लागि खासै कुनै सहयोग नगरिएको भए पनि भ्रमण र भतेरमा भने लाखौं खर्च भएको जिल्ला स्वास्थ्य स्रोतले जनाएको छ ।
    विश्व स्तनपान सप्ताहको लागि जिल्लामा कुनै पनि बजेट नभएको जनाउँदै जिल्ला स्वास्थ्य कार्यालय दोलखाका कार्यालय प्रमुख डा.राजेन्द्रप्रसाद शाहले भने ‘स्तनपान सप्ताह मनाउन नाम्दु जाँदैछु ।’ स्रोतकाअनुसार नाम्दुमा सप्ताह मनाउनको लागि ठूलै तामझाम र भतेरको व्यवस्था गरिएको छ । सप्ताह मनाउनकै लागि आधा दर्जन सवारी साधन सहित देशी विदेशी गैरसरकारी संस्थाका प्रतिनिधि, सरकारी कर्मचारीहरु समेत नाम्दु पुगेको स्रोतले जनाएको छ ।

सिन्धु विकास बैंकको ११ औं शाखा चरिकोटमा

रवीन्द्र गौतम । दोलखा

साउन १८, दोलखा । सिन्धुपाल्चोक जिल्लालाई आधार बनाई कारोबार गरिरहेको सिन्धु विकास बैंकले आफ्नो ११ औं शाखा सदरमुकाम चरिकोटमा सुरु गरेको छ ।
        आज मंगलबार बैंकका अध्यक्ष राजेन्द्रकुमार श्रेष्ठले रिवन काटेर शाखाको समुद्घाटन गरेका हुन् । यो सहित दोलखामा बैंकको संख्या १५ पुगेको छ । कर्जामा आकर्षक ८ प्रतिशत मात्र व्याजमा कारोबार गर्ने महत्वकाँक्षी