- फर्जी तथ्याङ्क ।
- जिशिअको तानाशाही कार्यशैली ।
- जिल्ला शिक्षा समितिमा छलफल तथा निर्णय नै नगरिएको ।
- ९ गाविसका २ हजार ४ सय ६९ जना शुक्रबारसम्म निरक्षर ।
रवीन्द्र गौतम । दोलखा
असार १०, दोलखा । विवादै विवादका विच दोलखालाई साक्षर जिल्ला घोषणा गरिएको छ । शिक्षा समिति र जिल्ला शिक्षा कार्यालय बिच फर्जी तथ्याङ्क, जिशिअको कार्यशैली र ९ गाविस साक्षर हुन बाँकी रहेको भन्ने विवाद हुँदा हुँदै जिल्ला शिक्षा अधिकारी लोकबहादुर लोप्चनको लिँडे हठकै लहैलहैमा आज शुक्रबार दोलखा २९ औं साक्षर जिल्ला घोषणा भएको हो ।
जिल्लाको कूल ४८ गाविस र २ नगरपालिकामध्ये ९ ओटा गाविस साक्षर हुन बाँकी छँदै शिक्षा मन्त्री गिरीराजमणी पोखरेलले शुक्रबार दोलखालाई साक्षर घोषणा गरेका हुन । कार्यालयको तथ्याङ्कअनुसार १५ वर्ष उमेरमाथिका ५० हजार ८ सय १६ जना साक्षर भए पछि जिल्लालाई साक्षर घोषणा गरिएको हो । सदरमुकाम चरिकोट आसपासका केही सरकारी तथा नीजि विद्यालयहरुमा विदा जनाई बर्षे झरी र हिलाम्मे सडकमा मार्च पास गराई दोलखा साक्षर जिल्ला घोषण गरिएको छ ।
गत बुधबार आयोजित साक्षर जिल्ला घोषणा तयारी बैठकमा जिल्ला शिक्षा समितिका अध्यक्ष एवम् स्थानीय विकास अधिकारी विष्णुप्रसाद शर्मालाई जिशिअ लोप्चनले तथानाम गाली गरी विवादलाई चुलीमा पु¥याएको बैठकमा उपस्थितहरुको भनाई छ । जिशिअ लोप्चन माथि जिल्ला शिक्षा समितिमा छलफल तथा निर्णय नै नगरी मन्त्रीको चाकडीको लागि एकलौटी मिति घोषणा गराएको समितिको आरोप छ ।
साक्षर हुन पार गर्नु पर्ने सबै सूचकहरुमध्ये १५ वर्ष उमेरभन्दा माथिका साक्षर भएको संख्यालाई मुख्य सूचक पार गरेको मानि दोलखालाई साक्षर जिल्ला घोषणा गरिएको जिल्ला शिक्षा कार्यालय दोलखाको दावी रहेको छ । जिल्लाको सुरी, खारे, गौरीशंकर, लामाबगर, लादुक, पवटी, बुलुङ, चिलंखा र आलम्पु गरी ९ गाविसका २ हजार ४ सय ६९ जना शुक्रबारसम्म निरक्षर रहेको कार्यालयको आफ्नै तथ्याङ्कमा उल्लेख गरिएको छ ।
